بتوقيت النجع
صرح أحمد عظيمة، قائد فريق الألومنيوم الرياضي، أن قرار الإستغناء عنه جاء مفاجئاً وغريباً دون سبب واضح وصريح، على الرغم من تألقه مع الفريق الفترة الماضية داخل وخارج الملعب، وتحمل مسئولية الفريق على أعناقه.
ونشر عظيمة بوست عبر صفحته الشخصية على فيس بوك، مستنكراً ومستعجباً من قرار الاطاحة به من فريق كرة القدم، وكتب “كنت بس عايز أوضح حاجة وأرد علي الناس اللي سألت عليا أن مكنتش في التمرين امبارح، أنا النادي لتاني مره يستغني عني، السنة اللي فاتت الحمد لعبت ٢٧ ماتش وجبت اربع اهداف، والنادي استغني عني بدون اسباب لحد دلوقتي، لحد ما كابتن هشام جيه ورجعني للفريق، وبردو رجعت من غير أي شروط، علشان ده النادي الي خيره عليا مهما حاجة تحصل من أشخاص جو النادي وبعتولي، جواب زي أي حد، ومحدش حتي كلمني قدرني بما إن أنا كابتن الفرقه وابن النادي”.
واستكمل قائد فريق الألومنيوم سرد التفاصيل، “أنه بدأ الموسم بشكل طبيعي أساسي وقائداً للفريق، ولم يقصر في التمارين والتدريبات، ولم يحدث أي مشكلة داخل صفوف الفريق”
ولفت عظيمة،”أن أحد الاشخاص دون ذكر اسمه، كان سبباً رئيسياً في استبعاده والإطاحة به من الفريق، اللعيبة عارفة أنا مكنتش بلعب ليه، ومين الشخص اللي كان ديما بيألف عليا حاجات عمري اصلاً ما اتكلمت فيها، الشخص ده لسه مكمل في النادي لحد دلوقتي في الجهاز، وللأسف المدير الفني كان بيسمع له المهم يعني، كنت مستغرب نفسي مستحمل كل ده ازاي، وربنا يعلم كنت شايل الفرقة بره الملعب إزاي وكنت بقعد في النادي مش بروح مع أن بيتي نص ساعه من النادي، وكنت مسئول عن الفندق وحاجات كتير عملتها وده طبيعي علشان أنا الحمد لله دائماً قد المسؤلية وابن بلد”.
وأكد أحمد عظيمة، أن الغرض من كشف تلك التفاصيل، هو ذكر أسباب استبعاده وعدم خضوره التدريبات الأيام الماضية، واختتم حديثه “ربنا هيجيب لي حقي من أي، حد ظلمني أو افترى، عليا أنا مش مسامح اي حد جيه عليا والله، حسبي الله ونعم الوكيل، وأخر حاجة هقولها اتقوا الله في اللعيبة الي مش معاها غير الكرة أكل عيشها، الألومنيوم باقي و الأشخاص زائلون”.
