بتوقيت النجع
قنا: اسلام نبيل
في مشهد إنساني بسيط ومعبّر عن أصالة المصريين واعتزازهم بحضارتهم، تصدّرت صورة لرجل صعيدي وزوجته مواقع التواصل الاجتماعي خلال أول أيام افتتاح المتحف المصري الكبير للجمهور، بعدما خطفت نظراتهما المبهورة أنظار الجميع داخل هذا الصرح العالمي.
رشاد أبو بسام، وشهرته رشاد الصغير، ابن قرية خوالد أبوشوشة التابعة لمركز أبوتشت شمال محافظة قنا، تحدّث في تصريحات خاصة قائلاً:«سافرت مخصوص من قنا للمتحف المصري الكبير بعد افتتاحه، كنت واخد بنتي الصغيرة — آخر العنقود — لأنها مكنتش راحت مصر قبل كده، وكنت عاوزها تشوف بعينيها عظمة وحضارة مصر اللي بنفتخر بيها كلنا».
وأضاف «الصغير» أنه اصطحب زوجته في الرحلة، فيما ظل أبناؤه الآخرون منشغلين بأعمالهم، موضحًا: «عندي 4 أبناء، 3 منهم أطباء والرابع محامي، لكن المرة دي كانت رحلة عائلية خفيفة ليا ولمراتي وبنتي الصغيرة، حبيت أعيش معاهم اللحظة دي».
وعبّر بطل الصورة الأشهر عن انبهاره بما شاهده داخل المتحف المصري الكبير قائلاً:«بصراحة انبهرت من عظمة المتحف.. تحفة معمارية وتشريف لمصر كلها، حسيت بالفخر وإحنا ماشيين وسط القطع الفرعونية اللي بتحكي تاريخنا قدام العالم».
وأشار «رشاد الصغير» إلى أن الصورة التي التقطت له ولزوجته كانت عفوية ولم يكن يتوقع أن تنتشر بهذا الشكل الكبير:«ماكنّاش عارفين يعني إيه تريند.. اتفاجئنا لما رجعنا قنا والناس كلها بتكلّمنا، لكن الحمد لله الصورة عجبت الناس لأنها كانت صادقة ومليانة انبهار وحب لمصر».
