بتوقيت النجع
روى والد الطفلة البتول من نجع حمادي، تفاصيل معاناتها مع المرض، مشيرًا إلى أن حالتها الصحية تدهورت خلال الفترة الأخيرة بشكل ملحوظ.
وقال والد الطفلة: “البتول ما كانتش بتعاني غير من عدم اتزان في المشي وألم في الرقبة، دلوقتي تقريبًا بتعاني من كل حاجة، الأمر كله بيد الله، وإحنا بناخد بالأسباب، وربنا أمرنا بالسعي وهو اللي بيده الشفاء.”
وأوضح أنه استشار العديد من الجهات الطبية التي رشحوا له أماكن مختلفة، إلا أن الأطباء المتخصصين أكدوا أن مستشفى 57 هو الأنسب لحالتها، خاصة بعد ظهور تأخر في الوضع الصحي.
وأضاف: “إحنا مش معترضين على أمر ربنا، بس بنحاول ناخد بأسباب الشفاء، وننتظر أن يستجيب الورم للعلاج بالإشعاع إحنا محتاجين نبدأ فورًا، وربنا قادر يكتب لها الشفاء.”
وتابع والدها قائلًا: “رغم الصعوبات الكبيرة وتأخر العلاج، ورغم تعب البتول وألمها، إلا إننا ما زلنا متمسكين بالأمل، لكن كل يوم في ناس بتحبطني وتهدم شوية الأمل اللي عايشين بيه، تركت الأمر كله لله وحسبي الله ونعم الوكيل.”
