بتوقيت النجع
جدعنة المصريين وخاصًة الصعايدة، دائمًا ما تظهر في المواقف الصعبة، وهنا في أزمة روسيا وأوكرانيا، ظهرت شهامة شاب من مدينة نجع حمادي شمالي محافظة قنا، الذي يعيش في دولة رومانيا، وعرض المساعدة على استقبال وتوصيل المصريين وغيرهم من المغتربين .
جرجس جاد الرب حلمى، ابن مدينة نجع حمادي شمال محافظة قنا، الذي يعيش برومانيا لدراسة الطب، والذى سارع مع الكثير من المصريين على مواقع التواصل الاجتماعى، في موقف يدل على شهامة أبناء محافظة قنا.
يقول جرجس لـ”بتوقيت النجع”: “نفسي أحمي أي حد من خطر الحرب ومش شرط هو مين، ما يهمنيش شكله أو دينه، لأنى اتعلمت فى الصعيد إنى مقفش ايدى متكتفة ومساعدش أى حد محتاج، ومن وقت ما بدأت الحرب وشوفت فيديوهات لمأساة المواطنين فى أوكرانيا زى طفل بيبكى وأم بتبكى شعرت بأنى نفسى أساعد بأي طريقة لكن المشاهد اللى بشوفها خلتنى مش عارف أنام وحاسس إنى بقلة الحيلة “.
أضاف: “وصلت لفكرة إنى أساعد الجميع الفارين إلي رومانيا من مصريين أو أي جنسية وحاول أقدم لهم الدعم خدمات بدون مقابل لوجه الله ولحد دلوقتى ساعدت 27 طالب مصرى ووصلتهم للأماكن اللى عايزينها وغيرهم كمان”.
وعن الدعم الذى يقدمه جرجس للمصريين وغيرهم، قال: “بساعدهم من خلال ترجمتى للغة الرومانية لأى حاجة مش عارفين معناها، وبروح استقبلهم بسيارات من تبرعات الدولة والأصدقاء وبوصلهم وبساعدهم يحجزون طيران وبدعمهم بفلوس للى محتاج وفيه وأكترهم بيكونوا عايزين يسافروا على طول وفيه منهم بيكونوا تعبانين وعايزين يناموا فى أى مكان ودول وصلتهم لشقة يقعدوا فيها”.
موضوعات متعلقة :
أقاربه يفضحون اللعبة.. لم يعلموا بزواج “شاروخان” من 4 فتيات بقنا: زوجته مازالت على ذمته
“الكابيتانو” يرفض إبعاد طفل عنه ويصطحبه في جولته بمركز شباب نجع حمادي
