علشان أوفر على الحكومة.. ننشر نص حديث رئيس الجمهورية بشأن بطاقات التموين
تحدث الرئيس عبدالفتاح السيسي، عن قرارات جديدة تتعلق ببطاقات التموين والتي يستفيد منها نحو 64 مليون مواطن حسب الإحصاءات الرسمية.[spacer height=”20px”]
قال الرئيس السيسي، إن الدولة لن تسمح باستخراج بطاقة تموينية لأكثر من شخصين.[spacer height=”20px”]
وجاءت تصريحات السيسي في خضم افتتاح عدد من المشروعات التنموية والقومية بصعيد مصر، اليوم الأربعاء.[spacer height=”20px”]
وننشر نص حديث الرئيس السيسي بشأن بطاقات التموين:[spacer height=”20px”]
“أقول تاني وإحنا فرحانين، بكره واليومين تلاتة اللي جايين هتجدوا أراضي زراعية تضاف، بس مفيش جنب منها سكان علشان تروحلها، تسيب أرضك أو بيتك اللي هنا وتاخدلك 200 أو 300 كيلو تروح توشكى أو شرق العوينات أو غرب غرب المنيا اللي هيّ الأراضي الجديدة”.[spacer height=”20px”]
“الأراضي الجديدة لما أجي أقولك تعالى أسكن فيها تقولي لأ عاوز أفضل جنب أسرتي هنا ومش عايز أقعد هنا، ولو عملتلك هناك كمان دي تكلفة كبيرة جدا، أنا بتكلم على 300 ألف جنيه علشان تبقى زراعة مش علشان تبقى حياة.. لو علشان حياة ممكن يوصل بقى الفدان لمليون جنيه لما أعمل تجمع عمراني والمدرسة والمستشفيات والطرق وشبكة الكهرباء وكلام من هذا القبيل.. طب إحنا لدينا القدرة المالية لكده؟ ما أنتوا في الآخر هتقولوا إحنا مش مش قادرين نحس (…)، عاوزين نعيش، مش كده؟ وفي الآخر المواطن عاوز إيه يا دكتور مصطفى؟ عاوز يعيش، وأنا كمان عاوزه يعيش، بس هو لازم يفهم راجل أو ست، شاب أو شابة، أن ده لا يمكن يحصل، تاني بقول علشان أبقى بسجل الكلام اللي بقوله للتاريخ، وللناس اللي بتتكلم في التليفزيون والجرائد ووسائل الإعلام، قضية خطيرة إن ميكونش فيه أرضية فهم مشترك للواقع وأسباب وكمان حله، هيبقى بنتكلم في حتة والتحليل والتوصيف والعلاج في حتة تانية”.[spacer height=”20px”]
“تاني يا جماعة بقول ثقافة البناء على الأراضي الزراعية لابد أن نواجهها، والنقطة الثانية أن ثقافة النمو السكاني طفل واتنين وستة دون أن تقدر هتصرف عليه أو تعلمه إزاي لا بد أن تتراجع، هيقولي المبادرات والبرامج اللي الدولة بتعملها؟ إحنا بنشتغل في ده، لكن يبقى إن العادة أصعب بكتير في مواجهتها بقوانين أو توعية أو كلام من هذا القبيل”.[spacer height=”20px”]
“لكن على الأقل تبقى عارف يا مواطن ويا مواطنة وابنك أو بنتك بيعدي الطفل مش الطفلين بقى، أنت بتحط نفسك في مشكلة، ومستقبل الطفل دا، وربنا مقالش كده، ربنا مقالناش نعمل كده في نفسنا وبالتالي بقولها على الهواء كده، أن قلت إحنا شوف حد يعمل كده؟ أيوه أنا بعمل كده، قلت لا يمكن هدي بطاقة تموين تاني تاني لحد بيتجوز يعني، لأنك لو بتتجوز ومستني إن الدولة تديك بطاقة تموين، فإنت مش قادر تتجوز، مش قادر تصرف يعني.. إزاي يعني، لأ دا كلام مش مظبوط، ودا برضه ثقافة اتشكلت في وجدان الناس ودي مش موجودة غير في بلدنا إحنا بس، إن نشتري الحاجة بأقل من تمنها، وأخد خدمة بأقل من تمنها، وكمان لما أخلف حد يأكلي عيالي”.[spacer height=”20px”]
“ياريت نقدر، دا هنا بس في البلد دي، وعلشان كده مقدرتش تقوم خلال السنين اللي فاتت، وإحنا مسؤولين أمام الله أننا نحط الإجراءات والقواعد اللي تمكن البلد دي إنها تقوم وبالتالي أنا بقول الكلام دا للناس علشان أوفر على الدكتور مصطفى مدبولي والدكتور علي المصيلحي، فالتموين لن نحط بطاقة تموين تاني لأكتر من فردين في اللي فات، وفي الجديد لأ مفيش.. شكرًا جزيلًا”.[spacer height=”20px”]
بطاقات التموين
موضوعات متعلقة :
تخلصت من طفليها بمساعدة سائق.. إحالة ربة منزل لمحكمة الجنايات بفرشوط [spacer height=”20px”]
إحالة المتهمة بإنهاء حياة طفلين للمفتي بقنا.. والدة الضحايا: حرمتني من حياتي [spacer height=”20px”]
رئيس جامعة جنوب الوادي يرد على واقعة تكسير “القلل”: إساءة بالغة للتراث الصعيدي [spacer height=”20px”]
بجوار الألومنيوم.. إصابة 5 في تصادم سيارتين بنجع حمادي [spacer height=”20px”]
إصابة فتاة بطلق ناري في ظروف غامضة بقنا.. والأمن يكثف جهوده لكشف الملابسات [spacer height=”20px”]
كسر نافوخها.. 20 طعنة و105 غرزة هدية “العِشرة” من زوج إلى زوجته في قنا [spacer height=”20px”]
كان رايح يصلي.. مجهول ينهي حياة مزارع بطلقات نارية بسبب خصومة ثأرية في الوقف [spacer height=”20px”]
بسبب أزمة قلبية.. وفاة عامل بعد طابور الصباح داخل مدرسة في أبوتشت [spacer height=”20px”]
تكثيف أمني لكشف ملابسات العثور على جثة شاب في قنا
